Who Do You Vote?

WHO DO YOU VOTE?

Katatapos lamang ng official baranggay election sa ating bansa, at ayon sa ating pagmamasid ay naging maayos naman ang pagdaraos ng baranggay election sa kapuluan maliban lamang sa ilang mga lugar na hindi maiwasan na magkaroon ng problema, kagaya na lamang ng balitang pagpapaliban ng eleksyon sa Bohol ayon kay Comelec Chairman Sixto Brilliantes Jr.na inanunsyo noon mga nakaraang pang araw, at ayon sa kanya ang paliwanag ay kanilang idadaan sa isang formal resolution. Matatandaang kamakailan lang ay malubhang naapektuhan ang Bohol sa 7.2 magnitude earthquake na tumama dito. Brillantes said the commission will issue a formal resolution ordering the postponement and setting of a new schedule for the barangay polls in Bohol as well as in Zamboanga City, which is still recovering from a three-week rebel siege last September. The Comelec earlier deferred the barangay elections in Zamboanga City after more than 400 Moro National Liberation Front rebels belonging to the Nur Misuari faction stormed Zamboanga City last Sept. 9 to seize the city hall and raise the flag of an “independent Bangsamoro Republik.” (Under the Philippine Star source).

Masasabi natin na hindi talaga maiwasan ang mga aberya o problema tuwing nagdaraos tayo ng eleksyon sa ating bansa. Hindi pa kasama dyan yung tinatawag nating election related violence, kung saan marami ang napapatay at nasusugatan na may kinalaman sa pulitika. Take note mga kaibigan, this is baranggay election, subalit ang labanan ay humahantong pa sa pagbubuwis ng buhay.

Ngayong ang malaking porsyento ng taong bayan ay nakaboto na sa kanya kanyang nasasakupan, ang tanong ngayon, ANO NA ANG SUSUNOD? Masasabi ba natin sa ating mga sarili kahapon na habang tayo po ay nagsusulat sa ating mga balota na karapat dapat ang ating mga hinalal? Mula sa Punong Baranggay hanggang sa mga kagawad? Ano po ba ang pamantayan kung nais nating ihalal ang isang tao upang mamuno? Noong national election atin ding pong nabanggit ang mga katanungang ito. Bakit po natin muli ito binibigyan ng pansin? Sapagkat dito po nakasalalay ang kaayusan ang kalagayan ng ating mga buhay sa ating mga baranggay. Ano ba ang pamantayan natin sa pagboto? Kaibigan mo? Kakilala? Sa ganang atin, sa oras na sinimulan mo ang pagsusulat ng unang letra ng pangalan ba balota, dito din nagsisimula ang pag guhit mo ng iyong nais na tahakin na buhay para sa iyong baranggay, sa pamunuan at pangangailangan. Kaya ang ating pong katanungan? Ano na ang susunod? Tayo po ba ay may mga ngiti pa ding makikita sa ating mga labi? O ngiting aso? Tayo po ba ay magsasasaya? O magiging matamlay pagkatapos ng lahat? Atin pong inuulit, sa atin pong mga desisyon nakasalalay ang paglalagay ng mga taong nais nating mamuno at maging lider ng ating bansa o maging sa pinakamaliit na lugar na ating nasasakupan.  Kawikaan 29:2 “Kapag matuwid ang namamahala, nagsasaya ang madla, ngunit matamlay ang bayan kung ang pinuno ay masama.

Dito po natin malalaman yan, kung tayo po ay magiging Masaya o magiging matamlay. Malinaw po ang sinsabi ng salita ng Panginoon, kaya huwag na po tayo magtaka kung bakit kadalasan ay walang pagbabago sa ating lipunan at buong bansa. Kung nais po nating magkaron ng pagbabago, dapat po itong magsimula sa ating mga sarili.  Nais ko pong ibahagi sa inyo ang ilan sa aking nabasa sa social media na 8 katangian ng isang matuwid na lider o pinuno.

1.   MAY TAKOT SA DIYOS.

Nahahayag sa buhay nya ang pagsunod salita ng ating Panginoon.  2 Samuel 23:3-4 “Ang Diyos ng Israel ay nagsabi, sa akin ay nagsalita ang bato ng Israel, kapag ang namamahala sa sangkatauhan ay matuwid, na NAMAMAHALANG MAY PAGKATAKOT SA DIYOS, kung magkagayon ay gaya iyong ng liwanag sa kinaumagahan kapag sumisikat ang araw, Isang umaga na walang ulap. Mula sa liwanag, mula sa ulan ay may damo mula sa ulap.

Kapag wala palang pagkatakot sa Diyos ang pinuno na ating inilagay, ay wag na tayong umasa pa na may pagbabago, o bagong umaga na gigising ka na may panibagong pag asa na darating. Yan ang karamihan at kadalasan nating nadidinig sa mga nagnanais maging lider, nangangako ng pagbabago at pag asa, sabi nga ng isang slogan ng isang kandidato dati, may bagong pag asa o umagang parating. Biblically speaking this will be true, kung sila may may PAGKATAKOT SA DIYOS. Malinaw na malinaw po iyan, Fear of the Lord not fear for a drug Lord na humahawak sa kanila or nagpopondo sa knila.

2.  MAY MALASAKIT AT PAGMAMAHAL SA BAYAN.

Tunay ba siyang Pilipino, sabi nga nila. SA isip? Sa salita at sa gawa? Gaya din ng sinsabi sa “Deutronomy 17:15. Tunay at hindi banyaga, anong pakahulugan nito?  Kapag sinabing tunay na Pilipino, hindi lamang yan sa lahi na pinagmulan mo kung tunay o hindi ang pinag uusapan dito kung ano ang iyong pagkatao? Paano ka magi sip? Paano ka magsalita? At kung nagagawa mo ang mga dapat mong gawin. Hndi puro plano, o eroplano, now you see, now you dont. hindi puro plataporma o puro porma kundi samakatuwid ay may pag gawa, hindi kpahintulutan na magtalaga ng isang lider o pinuno ng wala ang mga bagay na ito.

3.  MAY KAKAYAHANG MAMUNO.

May kakayahan ba siyang patakbuhin ang pinagkatiwalang tungkulin sa kanya?

Mark 9:35 “And He sat down and called the twelve, and He said to them, if anyone would be first, He should be last of all and servant of all. Mark 10:45 “For even the son of man came not to be served but to serve and to give his life as a ransom for many. Bakit kaba naghahangad na mamuno? Para ba sa sarili mo? O para maglingkod sa iba? Sapagkat ang numero unong tungkulin ng isang pinuno ay ang maglingkod at tuparin ang kanyang sinumpaang tungkulin nag paglilingkod sa kanyang kapwa.

4.  MAGALING MAMAHALA SA SARILING PAMILYA.

Nakakatugon ka ba sa pangangailangan ng iyong pamilya sa maayos na paraan? Sa kadahilanang paano mo mapaglilingkuran ang ibang tao kung sa iyong sariling pamilya ay hindi mo magawa ang iyong katungkulan? Ang iyong napiling mamuno ba na sinulat mo kahapon sa balota ay huwaran? O huwad? Siya ba ay tapat sa kanyang asawa? At anak? Hindi alipin ng anumang bisyo? O baka nman pare pareho silang adik sa pamilya? Mataas ba ang antas ng moralidad o mataas ang kinikita sa immoral na paraan? 1 Timothy 3:4 “Isang lalaki na namumuno sa kanyang sariling sambahayan sa MAHUSAY na pamamaraan, may mga anak na nagpapasakop ng buong pagkaseryoso. Samakatuwid, ang buhay mo sa iyong pamilya at nagiging salamin kung ano ang magiging itsura ng iyong pamayanang nasasakupan kung ikaw ay maging pinuno.

5.  MAY INTEGRIDAD

Hindi nangungurakot sa bayan o hindi nsasangkot sa katiwalian. Psalm 89:14 “ Ang katwiran at ang kahatulan ang siyang tatag na dako ng iyong trono, ang maibiging kabaitan at ang KATAPATAN ay dumarating sa harap ng iyong mukha. Dito mga kaibigan madaming sumasablay sa mga lider natin kuno, na kaya lang gusto mapasa pwesto ay upang magkamal ng kayamanan sa malinis na paraan. Opo mga kaibigan malinis… ibig sabihin, walang nakakaalam malinis ang pagkakatrabaho. Nasa iyo kaibigan kung kasama pa din sya sa iyong balota kanina. Sana po natututo tayo sa mga ganitong bagay, sapagkat ang salita ng ating Panginoon ay nagpapaalala din naman sa atin at nagbibigay ng gabay.

6.  MASIPAG

Ginugugol ang panahon sa pag ganap sa tungkulin. Colosians 3:23 “Whatever you do, work heartily, as for the Lord and not for men. Sapagkat ang mga taong gumaganap ng may kasipagan sa kanilang tungkulin o anumang tamang Gawain ay nagtataglay ng pusong mapaglingkod, una sa paglilingkod sa kalooban ng Diyos at ang kalooban naman ng Diyos na pagpalain ang mga tao. Masipag hindi masipag sa katiwalian. Sabi nga nila double time in serving hindi double time or double crossing.

7.  TINUTUPAD ANG SINASABI

Mayroong isang salita sa pagtupad sa pangakong binitiwan, may kakayahang ipatupad kung ano ang tama, may lakas ng loob at pagpapakumbaba na tanggapin ang kamalian at ito ay itama.

Numbers 23:19 “God is not man, that he should lie, or a son of man, that he should change his mind. Has he said, and will he not do it? Or has he spoken, and will he not fulfill it?  Ating naisin na an gating mga lider na pinili ay may isang salita na kung ano ang makakabuti sa kanyang nasasakupan ay matupad at hindi lang isang pangarap o pangako na lagi na lamang napapako, ipinapatupad kung ano ang tama at walang kinikilingan, at higit sa lahat may pagpapakumbaba na handang tumanggap ng pagkakamali at itama ang kamalian para sa kapakanan ng nakararami. Hindi ung kung siya na ang may kasalanan ang dami pa niyang palusot at katwiran.

8.   WALANG PINAPANIGAN

Maaasahang magiging patas sa anumang pagpapasya. Proverbs 31:8-9 “Ibuka mo ang iyong bibig para sa pipi, sa usapin niyaong lahat na pumapanaw, ibuka mo ang iyong bibig, humatol ka nang matuwid at ipagtanggol mo ang usapin ng napipighati at nang dukha. Dito pumapasok ang interes ng iyong paglilingkuran, hindi nang iyong sarili, hindi ng iyong pamilya, ng iyong kaibigan, ng iyong pinagkakautangang loob. Kung ano ang tama dapat ang pinuno mo ay panig lamang sa katotohanan at sa tama. Walang palakasan, sabi nga ni Erap dati, walang kama kamag anak, walang pamilya, ang batas ay para sa lahat. Sabi naman ni Mayor Lim dati, the law applies to all, otherwise none at all. Balanseng paghatol, nagbibigay ng tamang katwiran dun sa tunay na nangangailangan at naaagrabyado, patas na hustisya. Lahat po tayo ay naghahangad ng pagbabago, nang maayos na pamayanan at mapayapang pamumuhay. Ang lahat ng bagay na iyan ay ating pinagpasiyahan knina matapos tayong bumoto. Ang ating panalangin ay nahalal ang mga karapat dapat na mamuno sa atin na may katangian ng lahat ng ating nabanggit, una at higit sa lahat ay may pagkakakilala at pagkatakot sa Diyos na una sa listahan sapagkat naniniwala po tayo na kung una ang Diyos sa lahat, ang bunga ay ang mga sumusunod sa 2-8.  Ang paglilingkod sa bayan sa kapwa ay walang hinihintay na kapalit, sapagkat ang Panginoon mismo ang magbibigay ng gantimpala sa tumutupad sa tungkulin nang may kalakasan. 2 Chronicles 15:7 - Be ye strong therefore, and let not your hands be weak: for your work shall be rewarded.

MAGNITUDE 7.2 EARTHQUAKE - Review and Updates

MAGNITUDE 7.2 EARTHQUAKE - Review and Updates. PHILIPPINES.

Martes ng Umaga, October 15, 2013….

Lampas isang linggo na rin ang nakalilipas ng tayo ay masorpresa sa nanyaring lindol sa central visayas na may magnitude na 7.2 kung saan lubhang naapektuhan ang Bohol at ang Cebu.  Sino ang mag aakala na kasabay ng pag gising ng mamayan ng umagang yon ay ang pag gising din ng nagbabantang lindol at nangyari na nga ang hindi inaasahan. The rest of the story sa trahedya na ito ay nakita nating lahat, ang pinsalang dinulot sa ating mga kababayan. Sinasabi na ang mga lugar gaya ng Cebu at Bohol ay bibihirang tamaan ng lindol dahil hindi ganoon ka active ang fault sa ilalim ng lupa nito kung meron man, kung ihahalintulad sa mga active faults na gaya ng sa Siargao at Zambales ayon kay research specialist Ric Mangao nang Philvocs. Kung kayat araw ng Miyerkules sinabi ng Philvocs na a newly discovered fault might be the source of the Visayas earthquake. Alam nang bawat isa sa atin na ang kapuluan ng bansang Pilipinas ay prone sa lindol dahil sa mga aktibong fault line nito maliban sa Palawan. At ang nakakatakot ayon sa mga eksperto na ang anumang oras ay maaaring sapitin ng Maynila ang sinapit ng Central visayas kamakailan lang. Experts warn that many parts of the Philippines—including the nation's densely-populated capital—are long overdue for major earthquakes, and we can't entirely be sure where the next big one will strike.

But one thing is for certain, it’s only a matter of time. We all know mga kaibigan na kung sakali na mangyari ang bagay na ito sa Maynila, lubhang malaking pinsala ang idudulot nito sa mga buhay ng tao at mga ari arian, kung hindi po tayo nagkakamali ayon sa kinauukulan humigit kumulang na 35000 agad na katao ang casualties sa tinatawag nilang Big Thing. The active fault that was hidden under Metro Manila is the West Valley Fault line.

"Ripe na gumalaw ang fault. Napakataas ng probability na gumalaw ito in the future, hindi lang natin masabi ang exact date and time," Phivolcs deputy director Bartolome Bautista said during a Senate inquiry on the country's disaster preparedness on Wednesday.

The earthquake fault runs from the Sierra Madre mountain range to Tagaytay, and moves every 200 to 400 years. The last time this fault moved was 200 years ago. Phivolcs presented the prediction in July this year, warning Metro Manila that this quake is due to happen within our lifetimes.

Mga Kaibigan at tagapakinig, bakit po natin sinasabi o tinatalakay ang mga bagay na ito? Gusto po natin na linawin na ang intensyon po ng paksa na ito ay upang imulat po tayo sa paghahanda hindi po upang manakot o ano pa man para ating ipag alala. Ang lindol po ay hindi gaya ng bagyo na puede mo ma predict kung kelan tatama at kung paano gagalaw at kung gaano kalakas, kahit pa sabihin natin na may mga instrumento ang mga siyentipiko na gaya ng seismograph na nagmomonitor sa paggalaw ng lupa hindi nito syento porsyento masasabi na may bantang panganib ng lindol na darating at kung gaano kalakas. So, ano ang mga bagay na maaari nating gawin bilang paghahanda? Kung hindi naman pala natin mapipigilan ang ganitong klase ng trahedya? Kamakailan lang ang ating pamahalaan ay naghahanda na sa mga ganitong senaryo at sa ating pagkakaalam ay naglalaan na ng  budget upang mapaghandaan ang nagbabantang trahedya hindi lang sa ilang lugar sa ating bansa kundi sa pangunahing lungsod ang Maynila. Ang dami nating dapat I consider at nakikitang problema, lalo na kung paano I nu neutralize ang casualties o pinsala, dahil bukod sa malaking populasyon ng mga naninirahan sa Maynila ay madaming naglalakihang gusali ang nakatayo dito na maaaring bumagsak sakaling tamaan tayo ng malakas na lindol. At ang mahirap pa, kung sa gabi ito mangyayari sabi nga nila, siguradong madami ang mapapahamak sapagkat hindi handa at karamihan sa atin ay nagpapahinga na.

Ngayon mga kaibigan, babalik tayo sa katanungan kanina, ano ang dapat nating gawin sa mga ganitong pagkakataon? Kung hindi nman pala natin mapipigilan ang ganitong pangyayari? Siguro una at higit sa lahat dapat muna nating maintindihan kung bakit nangyayari ang mga bagay na ito. Sa usapin ng siyensya, nangyayari ang lindol dahil sa paggalaw ng mga fault line sa ilalim ng lupa parte ng tinatawag nating earth’s activity, hindi na natin papalawakin pa ang paliwanag on scientific explanations at alam na natin ito sa panahon ng ating pag aaral, maliban na lang kung absent ka sa school ng mga oras na iyon.  Kung ating palalawakin ang ating natural na pag iisip at pag aanalisa? Bukod sa parte ito ng proseso sa aktibidad ng mundo, ano ang tunay na dahilan bakit nangyayari ang mga bagay na ito. Alam natin na ang lahat ng bagay ay may dahilan, Ang tubig ay hindi magbibigay ng apoy,gayundin nman ang apoy upang magbigay ng tubig. Ang uod sa mga sanga ng isang halaman ay nagiging isang magandang paro paro nang ganon ganon na lang ng walang kadahilanan. O ikaw na tao ay lumitaw sa mundong ibabaw na walang patutunguhan at walang saysay. Samakatuwid, may dahilan at kung alam mo ang TUNAY na dahilan, marahil ALAM MO KUNG BKIT KA MAGHAHANDA AT PAANO KA MAGHAHANDA.

Makikita natin na sa ating kapanahunan lubhang nakaaalarma ang mga trahedya, salot, kahirapan at kaguluhan sa ating bansa at sa buong mundo, hindi po lingid sa ating lahat yan. Marahil ang karamihan sa atin ay tinatanggap na lang ito bilang isang natural na kaganapan sa ating mga buhay parang isang telenobela na araw araw nating napapanood kung kaya’t hindi na bago sa atin at pinagsasawalang bahala na lamang. Bakit ang daming nagugutom ngayon sa mundo? Madaming naglalabanan, bansa sa bansa bakit may mga salot o sakit na hanggang sa ngayon ay hindi pa din kayang tugunan o kontrolin ng medisina? Bakit mayroong climate change? Malalakas na delubyo kagaya ng lindol, bagyo at iba pang mapaminsalang gawa ng kalikasan. At kung sa mga unang panahon ito ay hindi ganoon katindi, bakit ngayon ay laganap ang mga ganitong pangyayari sa ating kapanahunan? Masasabi ba natin na ito ay natural na bagay lamang at pangyayari. Ano kaya ang pakahulugan ng mga bagay na ito sa ating mundo?

LUKE 21:11 "There will be great earthquakes, and in various places famines and pestilence. And there will be terrors and great signs from heaven.

MAT 24:7 "For nation will rise against nation and kingdom against kingdom.  And there will be famines and earthquakes in various places.

Revelation 6:12-14 - And I beheld when he had opened the sixth seal, and, lo, there was a great earthquake; and the sun became black as sackcloth of hair, and the moon became as blood;

Alam natin na sunod sunod na ang mga ganitong pangyayari sa ating kapanahunan and there is only one thing for sure this is not an ordinary event of human race, this is an event of the ages that we are now living in the last days. Ang mga talata sa salita ng ating Panginoon na ating binanggit ay mga propesiya sa mga magaganap sa huling kapanahunan na dapat nating maintindihan at paghandaan. Lubhang mapanganib at mapaminsala. 2 Timothy 3:1 - This know also, that in the last days perilous times shall come.

Kung ating pong naiintindihan that we are on the last days, we know as well that our Lord Jesus Christ is coming very very soon. We therefore understood that those natural disasters, pestilence, wars, deseases and pestilence are the signs that the end is near as we read in the bible. And God gave us those signs for us to be ready and be prepared when He comes. Ang panahon natin ngayon ay lumilipas na hindi natin napapansin subalit ang mga kaganapan sa ating kapaligiran ay nagsasabi sa atin na malapit na ang pagbabalik ng ating Panginoon. Matthew 24:22 - And except those days should be shortened, there should no flesh be saved: but for the elect's sake those days shall be shortened.

Kung tayo po ay naghahanda sa mga ganitong kaganapan sa mga ganitong pangyayari sa ating kaligtasan ay inihahanda din po tayo higit ng ating Panginoong sa kanyang muling pagbabalik, He is given us these signs para sabihin nya sa iyo at sa akin na malapit na akong dumating. Matthew 24:44 - Therefore be ye also ready: for in such an hour as ye think not the Son of man cometh.

Ngayon na alam na natin kung bakit nangyayari ang mga bagay na ito sa ating kapanahunan, malinaw na ngayon sa atin na ang nararapat na paghahanda na dapat nating gawin ay dapat magsimula sa ating mga sarili sa ating mga kaluluwa. Paghahanda hindi lamang sa mundong ibabaw kundi sa ating buhay sa piling ng ating Panginoong Hesus. Now is the time my friend to be ready, He has given us signs because He loves us and He wants us to inherit His Kingdom and everlasting life. Darating ang araw na ang lahat ng bagay dito sa mundo ay mawawala, ano man ang estado mo sa iyong buhay, walang mahirap, wlang mayaman, all your possession will be vanish, even earthquakes or any other strong calamities can take it away. Matthew 24:35 “Heaven and earth shall pass away, but my words shall not pass away”. kaya walang sinuman ang makapag mamalaki sa atin lalo na ung mga taong walang ginawang mabuti sa kanyang kapwa at higit sa lahat sa Diyos. The judgement is near. All the signs has been unfolding quickly, ang tanong, bukod sa paghahanda natin sa mga mangyayari sa ating kapanahunan, are we ready to face the Lord? Are we ready to be in His Kingdom? Sa inyo ko po mga kaibigan iiwan ang mga katanungan na iyan.

KEEP ON WALKING

DONT BE AFRAID, KEEP ON WALKING

Gusto ko po muli magbahagi sa inyo ng maikling kwento tungkol sa aking nabasa sa isang Christian booklet na Our Daily Bread, tagalog edition. Ito po ay tungkol sa isang ina at kanyang anak na bata pa.  Siguro mga 5 years old lamang yung bata kung ating ivivisualize. Ang kwento, habang naglalakad ang mag ina o namamasyal, ang bata ay tuwang tuwa, palundag lundag, pakanta kanta at msasabi nating hindi alintana kung gano kalayo na ang kanilang nararating sa pamamasyal dahil sila ay masayang naglalakad. Hanggang sa dumating ang oras na yung bata sa kanilang paglalakad ay napahinto at natakot, nangunyapit sa kanyang ina, ang kaninang  msaya at puno ng sigla na mukha ng bata ay napalitan ng takot at pag aalala. Ang dahilan? Nakasalubong sila ng isang lalaki na may dalang aso, isang malaking aso na mabangis ang itsura na naging dahilan upang matakot ang bata. Halos ayaw na maglakad at napahinto na lang ang mag ina kahit pa pinipilit syang aluin ng kanyang ina upang magpatuloy sa paglakad ay hindi na nya magawa pa.

Naalala ko din po mga kaibigan, nung ako ay maliit pa tuwing kasama ko ang nanay ko sa pamamasyal pag ako nakakita ng estatwa ay natatakot ako, ayaw ko nang dumaan pa sa lugar na iyon o maglakad pa, ganon siguro ang mga bata pag may nakikitang sa tingin nila ay hindi maganda sa kanilang paningin. 

Mga kaibigan, ang ating maikling kwento ay may malaking pagkakahalintulad sa ating mga buhay.  Madalas sa paglalakbay natin sa mundong ito, punong puno tayo ng kagalakan at kasiyahan habang tayo ay namumuhay subalit ang katotohanang sa pagsapit ng mga hindi magagandang bagay na ating nakikita o mga dumadating sa ating harapan na nagbibigay sa atin ng takot ay dagling napapawi ang ating mga kasiyahan at itoy napapalitan ng pagkatakot at kalungkutan. Takot tayong masaktan, takot tayong mabigo. Takot tayo sa mga problema na dumarating sa ating buhay sapagkat hindi natin alam kung paano natin haharapin at paano natin malalampasan ang mga bagay na ito. Kagaya ng bata sa ating kwnto, bigla nlang tayo humihinto at hindi na nagpapatuloy pa.

Mga kaibigan, sa panahon ngayon hindi lang ikaw o ako ang may kinatatakutan o problema, ang dami sa mundong ito ang may magkakahalintulad na sitwasyon, subalit ang katanungan na lang ay paano natin ito hinaharap? Kung sinasabi ng iba na hindi mo kaya o wala nang pag asa pa, tayo po ba ay naniniwala na wala na talagang pag-asa? Kadalasan ung mga taong dapat sanay sumusuporta sayo para ikaw ay tulungan at iangat sa pagkakabagsak mo ay sya pa ang tuluyang nagdidiin sayo sa putikan o tuluyan kang hinihila pababa. Yan ang mga dahilan kung bakit ayaw na natin lumaban pa, kasi ung mismong dpat sanay kakampi natin o sa panig natin ay siyang numero unong nagpapahirap sa atin. Imbes na magpatuloy tayong lumaban at bumangon, tuluyan tayong nalulugmok, para tayong nakakita ng mga hayop o asong mabangis sa daan na anumang oras ay puede tayong sagpangin.

Sabi nga nila ang buhay ay parang isang karera, na kung sino ang mauunang makarating sa dulo o sa finish line siyang magwawagi. Habang tumatakbo ka, dumarating sayo ang pagod, dumarating ang mga bagay na naglalaro sa isipan mo, kaya ko ba? Kaya ko bang tapusin? Kinakausap mo ang sarili mo na pagod kna at baka hindi mo na kayanin pa, subalit patuloy kpa din tumatakbo at umaasa na aabot ka sa finish line.

Katotohanan din sa buhay na sa ating pagtakbo at pagpapatuloy ay may kaakibat na paghahanda, mental at pisikal. Ako man po mga kaibigan nung sumali ako sa aming fun run sa aming kumpanya, akala ko ganon kadali, akala ko kaya kong tapusin ng mabilisan, subalit nung Makita ko ung layo ng dapat ko pang takbuhin parang nanghina loob ko, kasi alam ko na kakapusin ako ng resistensya, at nakikita ko din ung mga iba kong ksama ay huminto na ung iba nman ay nandadaya may shortcut para lang manalo. Sa mga oras na iyon naisip ko, is it worth? Na magpapagod akong lumaban pero ung iba nandadaya? Hindi ba ganyan sa ating mga buhay? Ang daming mga taong hindi lumalaban ng parehas, daming nagnanakaw ng pagkakataon at ung iba pang literal na magnanakaw, magnanakaw sa gobyerno at magnanakaw sa kapaligiran mo, nakakatakot at nakakawalang gana. Pambihira nman nsa tinutuluyang bahay mo na ikaw, mananakawan kpa? Ang babangis ng mga taong ito diba? Don’t get me wrong mga kaibigan, hindi po tayo lumalayo sa ating paksa, ang pinupunto po natin dito ay ang mga bagay na nagiging hadlang upang hindi tayo makapagpatuloy sa ating lakarin sa ating takbuhin sa ating buhay dahil sa mga nakikita at nasasalubong natin sa daan. Anong daan? Sa daan ng buhay mo. Kadalasan kasi hindi lang aso na mabagsik ang nasasalubong mo eh, kundi LOBO mabagsik na LOBO.

Ngayon nman sa mga problema natin sa buhay? Kanina sa mga nakikita natin, sa kapwa natin na nagiging dahilan ng panghihina natin at pagkadismaya. Mismong sa ating mga sarili meron tayo nyan. Madali tayong tamaan ng panghihina at kawalang pag-asa. Naalala ko po nung nakaraan lamang  nung ang ating pong Your Friend Team ay bumisita sa lugar ng isa sa ating listeners at nakausap po natin ang may ari ng tahanan na hindi na po natin babanggitin ang pangalan sa aming kamustahan at pag uusap, nabanggit nya ang tungkol sa knyang anak, na masasabi nating mabuting tao, subalit dumarating talaga ang pagkakataon na may mga taong makakasama tayo na hindi makpagbibigay sa atin ng mgandang impluwensya, mga barkada na ika nga na magiging sanhi upang makagawa tayo ng isang bagay na pagsisisihan natin sa huli. SA paglalahad ng kwento saken ni Ate, ang kanyang anak ay nag aaply ng trabaho, subalit nahihirapan makahanap o matanggap sa dahilang madaming tattoo ang kanyang anak na dahil sa impluwensya ng knyang mga barkada, ang daming pgkakataon sana, subalit may mga kompanya na tumatanggi dahil sa kanyang mga tattoo sa katawan, sabi nga ni Ate, pinagsisisihan ng kanyang anak kung bakit sya nagpatatoo na nagiging dahilan upang hindi sya mapagbgyan na makpag trabaho. Madami ang nagsasabi na hindi na magkakarong ng hanap buhay ang kanyang anak, subalit ang isa sa nakakahangang bagay na binanggit ni ate, ay nang sabihin nya na ang kanyang tiwala ay nasa ating Panginoon. Sinasabi man ng iba na wala nang pag Asa at walang pagkakataon, subalit sa Panginoon wlang imposible kung tayo ay karapat dapat. Ang mahalaga ay nalalaman natin an gating pagkakamali and we learn from it, we ask for forgiveness from the Lord heartily, at alam ng Panginoon ang laman ng ating mga Puso kung tayo ay tapat at sinsero, and surely the favor of the Lord will be given unto us. If we have faith. Huwag po tayong matakot kaibigan, hindi ang kahinaan mo ngayon ang importante, hindi ang mga nagawa mong kasalanan, hindi ang sitwasyon mo ngayon, hindi ang problema mo ngayon, hindi ang lahat ng iyan na nagbibigay ng takot sayo, ang mahalaga ay ang pananalig mo sa ating Panginoong Hesus. Habang naglalakbay tayo sa ating buhay, kailangan nating maging matatag at matapang sa mga nakakasalubong natin or nararanasan natin sa ating mga buhay. Wag kang matakot, magpatuloy ka na may pananalig sa kanya. Isaiah 41:10 “Huwag kang matakot sapagkat akoy kasama mo, huwag kang mabalisa sapagkat ako ang iyong Diyos, aking palalakasin ka, oo ikaw ay aking tutulungan, ikaw ay aking aalalayan ng kamay ng aking katwiran”.